അവൻ അവളെ ആദ്യം കണ്ടു, പിന്നെ അവൾ അവനെയും, പിന്നീട് അവരുടെ വീട്ടുകാരും.
വീട്ടിൽ ഉപ്പാപ്പ കൽപ്പിച്ചു, " കല്യാണം വരെ ഫോണ്‍ വിളിയൊന്നും വേണ്ട".
"അവൻ വന്നു വിളിച്ചാൽ കറങ്ങാനോന്നും പോയേക്കല്ല. അതെല്ലാം കല്യാണം കഴിഞ്ഞു മതി", ആങ്ങളയുടെ വക.
അപ്പോൾ ബാപ്പ " ഉറച്ച കല്യാണം വരെ മുടങ്ങി പോകുന്നു, കല്യാണം കഴിയുന്നത്‌ വരെ മനസ്സില് ആദിയാ".
ഇതെല്ലാം കേട്ട്കൊണ്ട് മകൾ "നിങ്ങളാരും ഒന്ന് കൊണ്ടും പേടിക്കേണ്ട, കല്യാണം എന്തായാലും നടക്കും".
എല്ലാവരും പരസ്പരവും അവളെയും തുറിച്ചു നോക്കി.
അവൾ പറഞ്ഞു "ഞങ്ങൾ പരസ്പരം കൈമാറി".
അത് കേട്ടതും ഉമ്മ ചൂലുമായി പാഞ്ഞു വന്നു. എന്തോന്നാടി കൈമാറിയത്.
അപ്പോൾ അവൾ വിറച്ചു കൊണ്ട് മൊഴിഞ്ഞു.
" ഫേസ് ബുക്ക്‌ പാസ്സ് വേർഡ്‌ "
